خالد الشعلان
03-18-2005, 07:34 AM
"<(li)§ القـضـيـه §(li)> "
ومصافحة اولى
=-=-=-=-=-=-=-=-=-=-=-=
جيت أكتب عن جماله وابتدا بحبي القضيه
وعن سحر هالآدميه كيف يوصفها الجمال
مالقيت إلا حروفٍ توصفه لو بس شويه
وإنها والله تعدت كل احدود الكمال
والعذر له والسموحه في حروفي الأبجديه
مالقيت إلا حروف ٍ ما قوت توصف خيال
لين صاحت من جماله وصارت بحبه ضحيه
وصارت بحبه تعاني شي فوق الإحتمال
كل نظره من عيونه تاخذ وتعطي هويه
وابتدينا في وصوفه وابتدا الوصف بسؤال
السؤال اللي تجرأ ياخذ الأمر برويه
عاتبتني كل حروفه من جدال ليْجدال
والوكاد اني عشقته والعشق أكبر بليه
وارتضت نفسي بسجنه بالسلاسل والحبال
والوكاد إني مقادٍ ولو أشوف دمي بديَّه
ولو طلب مني حياتي لرخصه له بالحلال
كل من شافه يريده وبالغصب يضرب تحيه
صار يغرس كل شبرٍ تاطه رجوله مثال
والجذور اللي غرسها دايما تبقى نديه
أرضها فيني وفيه لو أخذها الاحتلال
يعني كله باختصار فاتنه ذيك البنيه
من بعد ماشفتها وصوبت فيني النبال
من يشوفه يعرف انه كل معنى الجاذبيه
بالشبه ماله مثيل والبنات كثر الرمال
وليْتِبسم عقد لولو بالشفاه النرجسيه
ويش أقول ويش أخلي مالقى حرفي مجال
يعتريه ويعتليه حسن ماله في البريه
شامخٍ في وقفته مثلها شموخ الجبال
أبصم بعشره وعشره هي ملاك مو آدميه
هي مثل لولو تناثر وجاك من خلف التلال
جاك يعطيك ابضيائه وأشهد انه أحلى عطيه
وشمسها منذ أشرقت ما تعرف أية زوال
جنةٍ ربي خلقها وللحياه صارت هديه
والنعاس ليْمِن غلبها تسدل رموشه ليال
ولقبلت سبحان ربي كنها زهورٍ نديه
تسرق الطيف بهدبها وتهزم بنظره الرجال
تحيـــتي
:)
ومصافحة اولى
=-=-=-=-=-=-=-=-=-=-=-=
جيت أكتب عن جماله وابتدا بحبي القضيه
وعن سحر هالآدميه كيف يوصفها الجمال
مالقيت إلا حروفٍ توصفه لو بس شويه
وإنها والله تعدت كل احدود الكمال
والعذر له والسموحه في حروفي الأبجديه
مالقيت إلا حروف ٍ ما قوت توصف خيال
لين صاحت من جماله وصارت بحبه ضحيه
وصارت بحبه تعاني شي فوق الإحتمال
كل نظره من عيونه تاخذ وتعطي هويه
وابتدينا في وصوفه وابتدا الوصف بسؤال
السؤال اللي تجرأ ياخذ الأمر برويه
عاتبتني كل حروفه من جدال ليْجدال
والوكاد اني عشقته والعشق أكبر بليه
وارتضت نفسي بسجنه بالسلاسل والحبال
والوكاد إني مقادٍ ولو أشوف دمي بديَّه
ولو طلب مني حياتي لرخصه له بالحلال
كل من شافه يريده وبالغصب يضرب تحيه
صار يغرس كل شبرٍ تاطه رجوله مثال
والجذور اللي غرسها دايما تبقى نديه
أرضها فيني وفيه لو أخذها الاحتلال
يعني كله باختصار فاتنه ذيك البنيه
من بعد ماشفتها وصوبت فيني النبال
من يشوفه يعرف انه كل معنى الجاذبيه
بالشبه ماله مثيل والبنات كثر الرمال
وليْتِبسم عقد لولو بالشفاه النرجسيه
ويش أقول ويش أخلي مالقى حرفي مجال
يعتريه ويعتليه حسن ماله في البريه
شامخٍ في وقفته مثلها شموخ الجبال
أبصم بعشره وعشره هي ملاك مو آدميه
هي مثل لولو تناثر وجاك من خلف التلال
جاك يعطيك ابضيائه وأشهد انه أحلى عطيه
وشمسها منذ أشرقت ما تعرف أية زوال
جنةٍ ربي خلقها وللحياه صارت هديه
والنعاس ليْمِن غلبها تسدل رموشه ليال
ولقبلت سبحان ربي كنها زهورٍ نديه
تسرق الطيف بهدبها وتهزم بنظره الرجال
تحيـــتي
:)