سلّم على حايل وسلّم على شمّر

[غالية الشريف]

الشمس غابت وكل ٍ دوّر سراجه *** والشوق جمّر محرّ الشوق لاجمّر

دام اتجاهك شمال مودعك حاجه *** سلّم على حايل وسلّم على شمّر

قدامك الخافق اللي ينشد علاجه *** كنه معلّق على برزان ومسمّر

وانت تعرف يا بعد حيي من تواجه *** بيضان الافعال لامن الزمن سمّر

ان ضاقوا أعنف من البحر وامواجه *** وان راقو اركد من الخرمان لا عمّر

كم صيت بيت ٍ عتق في الباب مزالجه *** وكم شيخ اماره قبل تعيينه مومر

وكم حاتمي ٍ تكفيّ فلّة احجاجه *** وش لون للضيف لو عن ساعده شمّر ؟

وان مر تاريخهم متلبس ٍ تاجه *** كم عاشق ٍ كيّف وكم حاسد ٍ زمّر

في جو ٍ اغلى على الرجلي الى داجه *** من ديرة السادس ومن ديرة معمّر

كنّه الا اهدى له البراق فجاجه *** خلت غرير ٍ ضحك ومن الخجل حمّر

توارثو حرثه وتمتير ديباجه *** ركابة الجيب من ركابة الضمّر

الودّ لا غرس بدري صعب مخراجه *** والله ولا الذّ واحلى منه لا ثمّر

ادخل على اللي تطوف البيت حجاجه *** من ناقص ٍ عند مدح الغير يتذمّر

والمدح لو كان في الرديان للصاجه *** ويقال عمّر بلد بالعون ما عمّر

والذّم لو زاد في الطيب تولاجه *** لا احرق ولا اغرق ولا عمّر ولا دمّر

ماني بمتحسب بشعري على حاجه *** الا اني اروح ما غنيت في شمّر




المبدع/ ناصر القحطاني

[مواطن]

ناصر القحطاني

شاعر الأندلس

شاعر نادر المعنى .. قوي المبنى .. !

يعيبه التقليديه ... لكنها تقليديه قوية جدا .. تجبر على المتابعة

[احساس]

من صديقاتي العزيزات هيفاء الشمري

وتبون مايفز قلبي لطاري شمر :033:
ثانكس غوالي

[مجنونة]

\
/

اختيار يشبهك
غالي كاسمك
سلمتي
\
/

[اللــــورد]

آآآآآآه على شمر كم هي تاريخٌ ناصع البياض

يسلم لسانك يا قحطاني وكل الشكر لك اختي الشريفة ابنت الشريف..

[نجلاء العبداللطيف]

يسلمو يابنت الشريف