قالت ترى منت بحلو قلت رجـال

[نجلاء العبداللطيف]

قالت ترى منت بحلو قلت رجـال

والزين ماهو من شروط الرجولـه

الزين يلقى عنـد لباسـة الشـال

والرجل زين ان كان زانت فعولـه

قالت علامك تلبس شماغ وعقاال

انت بدوي؟ قلت بدوي ومن حموله

ما ألبس بناطيل لها الوان واشكال

وامتر الشـارع بعرضـه وطولـه

قالت اجل راعـي معاميـل ودلال

شرب القهاوي تحسبونـه بطولـه

كيفي يابنت الحضر دله وفنجـال

وحليب خلفـه بالمـراح معقولـه

وحب الكرم والجود وعلوم الابطال

مغروس فينا من زمـان الطفولـه

قالت ترى بنت البدو حظها مـال

قلت احذري حذرا تكونـي جهولـه

بنت البدو يابنت مضرب للامثـال

فوق الجمال وطاعـة الله خجولـه

ماحطة اصباغ ولا حطـت ظـلال

ولا سيرة بالسوق سيـر مهبولـه

هي مهرة تصعب على كل خيـال

وانتي ومثلك عسفهـن بالسهولـه

قالت تغزل بي وشف حبة الخـال

ناظر عيوني والرمـوش الكسولـه

قلت العفو مايجتمع حـب وهبـال

ولكـل ذوق فالمزايـيـن جـولـه

قلتي وقلت وكلمة الصدق تنقـال

الزين ماهو من شـروط الرجولـه

[نجلاء العبداللطيف]

(((قصيده جتن بالأيميل واعجبتن قلت تستمعون معاي
بس مااعرف من كاتبه ))



<<بزعمها تتكلم بلهجة القصمان :coffee:

[طارق الورهي]

صح لسانك يا استاذ على والقصيدة الحقيقة حلوتن مرتن بالحيل
وماطح من السماء اخف للنجوم

[نجلاء العبداللطيف]

صح بدنك طارق

كل كلامك صحيحه
ابتداء من جمال القصيده
وانتهاء بماطاح من السماء اخف للنجوم
بس بعض النجوم طيحتهم توجع :w4:

[أحمد مجدي]

القصيدة جميلةجدا..

لم أفهم بعض الكلمات.. لكني ولدت وعشت بالامارات..
لذا فهمت معظمها..
صح لسانك ;)

[نجلاء العبداللطيف]

هلا بك الموعد الثاني
بعض مما عندكم:)

[علياء العنزي]

حتى لو مو انتي اللي كاتبتها بس من جد عندك ذوووووووووووووق
يعطيك العافية

انتفش ريشي على طاري البدو ;)

[نجلاء العبداللطيف]

احمد مجدي
ماتنلام لو مافهمت اغلب الكلمات:p
بالذات ذا المقطع
وحليب خلفـه بالمـراح معقولـه
كل الشكر للمرور العطر

[محيط الغموض]

قصيده جتن بالأيميل واعجبتن قلت تستمعون معاي
بس مااعرف من كاتبه
8
8
8
:i.p.emdgu البنت قصمنجيه
<<طايره عيونه ترى

0
0
صح لسان قائلها ومشكوره على النقل

[حمد السبر]

السلام عليكم ورحمة الله وبركاته

لقد جذبني العنوان.....وأعجبت بالقصيدة ........

جدي وابوي واللي تعلمت منهم ......كل الصفات اللي تشوفين يابنت

دامك مدحتني هذا والله ادبهم........منهم تعلمت الصبر ولاقد خنت

اللي نصاهم والله انه وصلهم.........بالعم يفدونه ومن دون من انت

مدري رغبتي يالحبيبة وطنهم........والا أعود لديرتي مثل ما كنت


شكرا على هذه القصيدة الرائعة,,,,فالأختيار كان جميلا وموفقا.

دمتم بخير

[نجلاء العبداللطيف]

اهلا محيط الغموض

لاتطير عيونك اختك ماهي قصيميه بس انها تتقصمن:p

:
السبر
مرحى لهذا النص فقد اعاد شمسك لنا

[العنود]

http://www.islelove.com/vb/uploaded/heartrosebar.gif

wild_orchid

أهلين و سهلين غاليتي ,,

كنتُ هنا ,,

وقراتُ تلك القصيدة الرائعة ,, فابتسمتُ بعض الشيء !

لا اعلم لمَ ,, هل تصدقين ,,

أووووووووه ,, قبل أن أمارس الخروج ,,


أشكركِ من الصميم ,,


ياه وش كثر هي حلوتن لهجة هالقصمان

يا جعلني فديتهن كل أبوهن !


معَ الحب

عنود

http://www.islelove.com/vb/uploaded/heartrosebar.gif