محمد بن جمشان
10-05-2004, 12:54 AM
بسم الله الرحمن الرحيم
احب اولا ان اعتذر عن الغياب في الشهر الماضي وذلك لاني كنت اقضي اجازتي السنويه بعد انهاك سنة دراسيه كامله
واقدم لكم الان هذه القصيده وانشاء الله تحوز على رضاكم:
.
.
.
.
ببطي على طبعي وبتخط الاقلام
عباير الأخدود واعظم رساله
بطلب كبير القوم وايجيني اقيام
وايشق صدري والله انّه حلاله
واطلب عجوز القاع تزرع بي الغام
تنفض نخاعي أو كتبت استقاله
واركِب على مهر السما سرج وإلجام
واطلب نجوم الليل حق الزماله
من وادي الأشباح باسوق الالهام
واجعل سيوله تصطفق في جباله
ما تبرك الفاطر بلا قيد واخطام
وما تَعْطِف الا لي قِطَعْت الشماله
بكتب قصيده تنتخي لجلها يام
ماللي سلوم العز والطيب فاله
تذّن بَها الأخدود وتكبّر الشام
وايئمّها الكهل الكبير الهلاله
تسجد وراه ابيات صلّت للايتام
وايرتّل المسحوب لحن الجزاله
سفّلت له من قبل ستة عشر عام
ورعٍ طغى فيه الزمن ثم عطاله
شعرٍ الي منه اعتزى قال قدّام
وايقبّله ثم يشرح السان حاله
.
.
.
.
لي مهرةٍ من شفتها والبَخَت قام
امحجّله تمشي بلطف ووثاله
فزرى عليها الحر من طيبها حام
تفرد شَعَرها من مواري الأصاله
من ركبها ماظنتي يوم ينظام
وماخاوت الخافي خسيس السلاله
اجمل من اللي صوروهم بالافلام
وآرق والطف من حدايق صلاله
في صوتها الهادي ترانيم وانغام
والرمش تمسي دودة القز جاله
لو كان وسْع العين ينقاس بحجام
ان يَلغَب القايس ويطوي حباله
ولو عاشت بعصر الصحابه والاسلام
لاقول انها من هل البيت وآله
تَعْرِف محمد لو كسى وجهه إلثام
من كثْرِ ما حَبّته حبت خياله
لو جَالَها ان تعلن بدار الاعلام
مالي بغير اللي يساعب ظلاله
.
.
.
.
ياهيه يا تيّاك رزّيت الاعلام
في خافقٍ ظلم السنين ارتكاله
ماعاد مثلي يا اريش العين ينلام !
وآنا شَرَبت الموت شرب البياله
يصفق حشاي الوقت برماح واسهام
وآنا بشر.. إحساس مانيب آله
لا تحسبين الجرح تبريه الاليام
جرحي كبيرٍ بالحشا عزّتاله
كثر الجفا عوّد على القلب بآلام
وآصارع الوحده بليل النذاله
وآصبّر النفس العزيزه بالاوهام
واخلق لك الأعذار لجل الجماله
وآعد ايام الشهر لك بالارقام
وارقُب متى يبدي ويغبى هلاله
واصبح وانا مذعور..مبلول .. الاكمام
وافلج صباحي واحتزم بالصماله
لو كانت الدنيا بلا ظلم واجرام
مافازوا اعيال الردى بالفساله
وآصبّك بصمّام قلبي من اعوام
وآشوف غيرك من غلاتك حثاله
وآذل هيفا واكسر اعيون اريام
وآقول قلبك ماندوّر بداله
اعطيك لَحْم القلب واعطيهم اعظام
ابغى اشوفك بَدر يسحر جماله
لو حصّلوا في جثتي بصمة ابهام
في ذمتي انها بريق الغزاله
.
.
.
.
.
وانتي هجرتي من عطا بنت الاعمام
حب ووفا هي كنزه وراس ماله
يبني وهجرك دون انصاف هدّام
وما مسّتك من كبر قدرك شماله
وماقال لك جسمه طغت فيه الاورام
ومانام في ليله سليٍ وداله
وما قال لك جده يسميه ضرغام
وما قال لك انّه فطر كبد خاله
ناقش على الضلع العوج كف رسّام
إسم الهنوف وتحت إسمك مقاله
تسألك يا نبض الشعر وين الاحلام؟
ولاّ غدت الاحلام عندك محاله
خلي غلا من توّجك يصدر أحكام
أحكام ما تَطلبكِ غير العداله
ان كانت الفرقا لك آمال واحلام
وبفعلها قلبك يحصّل مناله
فالله يبيحك نفذي حكم الاعدام
لا ترحمينه لو طَلَبك بعياله
ولمّا تشوفين البدو تنصب اخيام
لا تنشدين القوم (. منذا العزى له ؟.)
يمكن اذا سِمْعَك خرج لابس احرام
من قبره ورحّب وركّب دلاله
وسلامتكم....... محمد جمشان اليامي
احب اولا ان اعتذر عن الغياب في الشهر الماضي وذلك لاني كنت اقضي اجازتي السنويه بعد انهاك سنة دراسيه كامله
واقدم لكم الان هذه القصيده وانشاء الله تحوز على رضاكم:
.
.
.
.
ببطي على طبعي وبتخط الاقلام
عباير الأخدود واعظم رساله
بطلب كبير القوم وايجيني اقيام
وايشق صدري والله انّه حلاله
واطلب عجوز القاع تزرع بي الغام
تنفض نخاعي أو كتبت استقاله
واركِب على مهر السما سرج وإلجام
واطلب نجوم الليل حق الزماله
من وادي الأشباح باسوق الالهام
واجعل سيوله تصطفق في جباله
ما تبرك الفاطر بلا قيد واخطام
وما تَعْطِف الا لي قِطَعْت الشماله
بكتب قصيده تنتخي لجلها يام
ماللي سلوم العز والطيب فاله
تذّن بَها الأخدود وتكبّر الشام
وايئمّها الكهل الكبير الهلاله
تسجد وراه ابيات صلّت للايتام
وايرتّل المسحوب لحن الجزاله
سفّلت له من قبل ستة عشر عام
ورعٍ طغى فيه الزمن ثم عطاله
شعرٍ الي منه اعتزى قال قدّام
وايقبّله ثم يشرح السان حاله
.
.
.
.
لي مهرةٍ من شفتها والبَخَت قام
امحجّله تمشي بلطف ووثاله
فزرى عليها الحر من طيبها حام
تفرد شَعَرها من مواري الأصاله
من ركبها ماظنتي يوم ينظام
وماخاوت الخافي خسيس السلاله
اجمل من اللي صوروهم بالافلام
وآرق والطف من حدايق صلاله
في صوتها الهادي ترانيم وانغام
والرمش تمسي دودة القز جاله
لو كان وسْع العين ينقاس بحجام
ان يَلغَب القايس ويطوي حباله
ولو عاشت بعصر الصحابه والاسلام
لاقول انها من هل البيت وآله
تَعْرِف محمد لو كسى وجهه إلثام
من كثْرِ ما حَبّته حبت خياله
لو جَالَها ان تعلن بدار الاعلام
مالي بغير اللي يساعب ظلاله
.
.
.
.
ياهيه يا تيّاك رزّيت الاعلام
في خافقٍ ظلم السنين ارتكاله
ماعاد مثلي يا اريش العين ينلام !
وآنا شَرَبت الموت شرب البياله
يصفق حشاي الوقت برماح واسهام
وآنا بشر.. إحساس مانيب آله
لا تحسبين الجرح تبريه الاليام
جرحي كبيرٍ بالحشا عزّتاله
كثر الجفا عوّد على القلب بآلام
وآصارع الوحده بليل النذاله
وآصبّر النفس العزيزه بالاوهام
واخلق لك الأعذار لجل الجماله
وآعد ايام الشهر لك بالارقام
وارقُب متى يبدي ويغبى هلاله
واصبح وانا مذعور..مبلول .. الاكمام
وافلج صباحي واحتزم بالصماله
لو كانت الدنيا بلا ظلم واجرام
مافازوا اعيال الردى بالفساله
وآصبّك بصمّام قلبي من اعوام
وآشوف غيرك من غلاتك حثاله
وآذل هيفا واكسر اعيون اريام
وآقول قلبك ماندوّر بداله
اعطيك لَحْم القلب واعطيهم اعظام
ابغى اشوفك بَدر يسحر جماله
لو حصّلوا في جثتي بصمة ابهام
في ذمتي انها بريق الغزاله
.
.
.
.
.
وانتي هجرتي من عطا بنت الاعمام
حب ووفا هي كنزه وراس ماله
يبني وهجرك دون انصاف هدّام
وما مسّتك من كبر قدرك شماله
وماقال لك جسمه طغت فيه الاورام
ومانام في ليله سليٍ وداله
وما قال لك جده يسميه ضرغام
وما قال لك انّه فطر كبد خاله
ناقش على الضلع العوج كف رسّام
إسم الهنوف وتحت إسمك مقاله
تسألك يا نبض الشعر وين الاحلام؟
ولاّ غدت الاحلام عندك محاله
خلي غلا من توّجك يصدر أحكام
أحكام ما تَطلبكِ غير العداله
ان كانت الفرقا لك آمال واحلام
وبفعلها قلبك يحصّل مناله
فالله يبيحك نفذي حكم الاعدام
لا ترحمينه لو طَلَبك بعياله
ولمّا تشوفين البدو تنصب اخيام
لا تنشدين القوم (. منذا العزى له ؟.)
يمكن اذا سِمْعَك خرج لابس احرام
من قبره ورحّب وركّب دلاله
وسلامتكم....... محمد جمشان اليامي