~~ رحلة وفا .. في منتصف عمر الجفاف ..!! ~~

[عبدالله بن زنان]

أحبتي ..

مع كل الحب ..
لكم بعض من نبض .. في رحلة وفاء ..رسمها القدر .. في منتصف عمر الجفاف ..

/
\

ياسيد النبض ..
ياقوت السهر ..
يا خنجر الغربة ..
تعال خذ عيني وشوف ..
ماتشوف إلا أنت ..
حارس للأماني ..
داخل اوطان العيون .. مخاوي التربة ..!!

ياسيدي ..
ياسيد المعنى .. وياكف الغرام ..
يا فاتن الذنب ..
وأمير العشق ..
يانور الحياة الميته .. وسط الظلام ..!!
ياعناوين اشتعالي ..
وانكساري ..
غصتي .. حزني .. وتحطيم الحطام ...!!


ياسيدي
أنت الحنين الدافي العذب المهيّل بالأنين ..وآنا على صدر السنين .. أسأل عن أيامك .. وعن ضحكة عيونك .. ياحبيب النبض ..ياقهوة صباحٍ مرّ ماكنه صباح .. استباح العمر .. والروح استباح .. وانثنى بيني وبيني .. يحرق أجزائي .. تفاصيلي .. يبادلني حياة الموت .. يشهق بي .. وانا بين السما والأرض .. بعض جروح .. مدري روح .. تسأل عنك .. ووووووين ..!!


وينك حبيب الروح من وين لاوين
______________ غايب .. ولا كنّ المدينة مدينه
الناس ماهي ناس .. والبحر تأبين
______________ وامواجه ترتب جروح السكينه
جيتك وانا بيدي قلم روح وسنين
______________ ولقيت مينا الجرح ماله سفينه
رجعت أداري دمعة العين بالعين
______________ غـريب ... تتعكز يدينه حنينه ..!!


ياسيدي ..
ياحارس الحلم الأمين ..
ياشهرزاد الجرح ..
ياطير الأماني .. والحنين ..!!
ياعزوة السكر ..
مرارة حلمي ...
أعظم من خطاياك الكثيرة ..
من فصول الذنب ..
من طهرك ..
ومن جور السنين ..!!

ياسيدي ..
ليه التعب ..!!
ليه المسا يشرب من أحضان الغريب ..!!
ليه أنت باحضاني تغيب ..!!
أو ليه أنا وحدي .. هنا
أنسج من اللحظات منديل الدفا ..
وابكي وفا ..
هو ليه هقواتي تخيب ..!!


ياسيدي ..
هذا السراب المرّ .. أتعبني .. وشاغلني معك .. لاضعت في عين الثواني .. والأماني .. مالت بروح الكلام .. وتاهت أنوار الدفا .. أو هي تلاشت وسط دوامة رياحك .. من رماحك .. طحت .. وانهارت رفوف من الأمل في ساحتي .. واصبحت أرتب للضيا .. أكفان من وجه الصباح .. واستقبل نجوم الليالي بالعزا .. واسأل سكاكين الخطايا ...
ليه تفاح النهار .. أبعد من عذوق المسا ..
ليه منديل الطهاره .. قال ياعل وعسى ..
ليه باغصان الجروح .. نصيح .. كم باقي أسى ..
ليه أنا وحدي هنا ..!!
بيدي مسافات الغياب ..
تمزق أطراف التساؤل .. عندما يولد سؤال ..
ليه صدر الأسئلة .. مصلوب في باب الجواب ..
ليه حضن الأجوبة .. ( سيّد ).. وسيف الأسئلة ( عبد ) الجواب ..


ياسيدي والسؤال السيف
__________ واجابته .. حضن جافيني
الحب.. ماله ولا تعريف
__________ آحسه .. أقرب لـتكويني
هو نور ماخالطه تزييف
__________ هو .. نار مافارقت طيني
هو انت والذاكره والطيف
__________ هو .. انشطار الألم فيني
الفرق بين الشتا والصيف
__________ يشبه .. لما بينك وبـيني
جيتك .. ولاجيتني ياحيف
__________ والأسئله .. هي عناويني
متى وليه التوت في كيف
__________ واستوطنت روح تشقيني
هذا أنا.. وانت روح الكيف
__________ نبضي .. ولهفة شراييني ...!!


ياسيدي ..
عطني أنا ..
مابطلبك موتك ..
ولا بطلب .. يدين المستحيل .. ..
طالبك أنا ..
يانبض يخشى مـ السنين ..
ماعاد باقي بالعروق ..
غير احتجاجات وحروق ..
وانته هنا ..
بيني وبيني ..
صمتك الكافر بروق ..
يضوي العيون ..
ويسرق الدمعه ..
ويطفيني .. ويشعلني ..
ويبني من بقايا الروح شوق ..!!


ياسيدي ..
ماني أنا .. ضيعتني بين النجوم .. آغيب وأدوّر عليّ .. بين الفضا .. وانت الرضا .. والقاك طيف
بلا جناح .. خذني معه .. سافر .. برحلة من حقيقة .. كلها جرعة خيال .. كلها همّ وشقا .. والبرد
يصفع همتي .. واتناول أوجاع الرصيف .. وانقش على خصر الفصول .. بعض انشطار الحلم ..
تاريخ الوصول ..واكتبني أقرب مبتعد .. واقراني ابعد مقترب .. وانته .. ولا أنته هناك ..
ماغير أنا .. رحلة وفا .. في منتصف عمر الجفاف ..!!


من يسأل الغرقان ليه انت غرقان
_____________ من يسأل اوراق الشجر ليه غبرا
من يسأل النجم القصي ليه سهران
_____________ ومن يسأل ورود الـهدا ليه حمرا
تعال من دون اسئلة .. كلي اوطان
_____________ تعال كـلي لك ضيا .. وانت قمرا
عايش حياتي كلها.. صورة انسان
_____________ جسد بليا روح ... وانته بي ادرا


ياسيدي ..
أدري أنك بي دريت ..
وادري أنك ماعطيت ..
وادري انك من أساطير الهوى ..
جيت الملاك ..اللي بجنحانه سريت ..
آدوّر اشلائي .. معه .. وانا معه ..
قصدي مع البرد احتفل ..
وامسح بمنديل الولّه .. دمعي .. ولا كني بكيت ..!!

ياسيدي .. لاسيل سال ..
ومرايتي صمت وسؤال ..
ليه الجفاف المرّ ..
يكبر بيننا .. والحزن طال ..!!
ليه احتمالي باحتمال ..!!
والوقت مابه وقت ..
وايدين الغرام الغافيه تحفر خيال ..!!
ياسيدي ..
هاتك .. من أقصاك الوفي ..
بآشيل طيشك فوق طيشي ..
وأكسّر اغلال المحال ..!!
بآعيد تعريف الجدال ..
واسقيك من حمى الكلام ..
أعذب حروف ..
وآعيد ترتيب الصفوف ..
وأرجع معك .. قطرة مطر .. بين الرمال ..!!


ياسيدي ..
يكفي سؤال .. لاهمّ يقتل همّ .. لامعنى .. ولا أية خبر .. لا ضو .. لا أمطار .. لاسيرة .. ولا ديرة سقاها
نبضي الماثل بسلطانك .. وسلطان الهوى .. تاجه حزن .. مدري مزن .. في بلاطه تنكسر كل المراجيح الأكيدة .. تنكسر بعيون شوقي .. لاذكرتك ملح دنيا .. مابها غير السفر .. وعناق همّ الأرض .. لاماتت سنابل فرحتي ..تنطر سماك ..


الغيم دمعة سما .. والعين باب الروح
_____________ والليل خدّ الغياب ... ودمعة الساري
دخلت فيني.. لقيتك ... تستبيح البوح
_____________ خرجت مني .. لقيتك .. تنفض غباري
اقراك دمعة وطن .. في شارعٍ مذبوح
_____________ واكتبك قصة مطر ... مافارق اقداري
قلي متى تحتويني ... أو متى بتروح
_____________ قلي متى أشطبك .. من دفتر اشعاري....!!



/
\

الســيل ..
والله يديمك يامطر ..

[جمرة]

عبد الله بن زنان

/
\
/
\
هل سمعت عن أميري يومًا ..
نبض يُداوي حزن السنين
يدفق بشراييني دماء الحياه ..
وَهو .. " هنا " ..
بيني وَبيني ..
لا يفترق عني .. يُلازمني .. يُلاصقني ..
يُفكر عني .. يحكيني .. يُؤنسني وحدتي ..
وَإن سقطت دمعتي ... هو فقط من يمسحها ..
وَهو فقط .. قادر على ذوبان روحي ..
/
\
/
\
يُضيئ عينيّ ..
وَيسرق الدمعة .. ويرميها بين كفيّ ..
وَيحرقني .. / وَيُطفئني .. / وَيشعلني ..
وَيبني من بقايا رمادي .. شوقًا .. يهزُّ عرشي ..
فأحيا من جديد ..
/
\
/
\
هو فقط قادر .. على تفكيكي .. وَإعادة تشكيلي
من جديد !!
/
\
هل عرفتهُ الآن ..
/
\
أدعوا لي بالقرب منهُ قريبًا قريبًا .. قريبًا ..
/
\
/
\

وَأدعو انا الله ان أقرأك دومًا ..

/
\

تحيه تبحث عن زهو كي تليق بك

[طارق الورهي]

عبدالله .. السيل !!

حياك يا الغالي .. سعيد جدا بقراءتك هنا

في هذه الدرة المنوعة من الشعر والخاطرة والسرد والحب والعبث !

دمت بخير يا صديقي

[غــــــــيم]

وينك حبيب الروح من وين لاوين
______________ غايب .. ولا كنّ المدينة مدينه
الناس ماهي ناس .. والبحر تأبين
______________ وامواجه ترتب جروح السكينه
جيتك وانا بيدي قلم روح وسنين
______________ ولقيت مينا الجرح ماله سفينه
رجعت أداري دمعة العين بالعين
______________ غـريب ... تتعكز يدينه حنينه ..!!


ياسيدي ..
ياحارس الحلم الأمين ..
ياشهرزاد الجرح ..
ياطير الأماني .. والحنين ..!!
ياعزوة السكر ..
مرارة حلمي ...
أعظم من خطاياك الكثيرة ..
من فصول الذنب ..
من طهرك ..
ومن جور السنين ..!!

ياسيدي ..
ليه التعب ..!!
ليه المسا يشرب من أحضان الغريب ..!!
ليه أنت باحضاني تغيب ..!!
أو ليه أنا وحدي .. هنا
أنسج من اللحظات منديل الدفا ..
وابكي وفا ..
هو ليه هقواتي تخيب ..!!

بربك..ماهذا ..
اشعرآ...ماقرأت ...ام سحر..؟؟!!
ياسيدي ..
أدري أنك بي دريت ..
وادري أنك ماعطيت ..
وادري انك من أساطير الهوى ..
جيت الملاك ..اللي بجنحانه سريت ..
آدوّر اشلائي .. معه .. وانا معه ..
قصدي مع البرد احتفل ..
وامسح بمنديل الولّه .. دمعي .. ولا كني بكيت ..!!

ياسيدي .. لاسيل سال ..
ومرايتي صمت وسؤال ..
ليه الجفاف المرّ ..
يكبر بيننا .. والحزن طال ..!!
ليه احتمالي باحتمال ..!!
والوقت مابه وقت ..
وايدين الغرام الغافيه تحفر خيال ..!!
ياسيدي ..
هاتك .. من أقصاك الوفي ..
بآشيل طيشك فوق طيشي ..
وأكسّر اغلال المحال ..!!
بآعيد تعريف الجدال ..
واسقيك من حمى الكلام ..
أعذب حروف ..
وآعيد ترتيب الصفوف ..
وأرجع معك .. قطرة مطر .. بين الرمال ..!!


ياسيدي ..
يكفي سؤال .. لاهمّ يقتل همّ .. لامعنى .. ولا أية خبر .. لا ضو .. لا أمطار .. لاسيرة .. ولا ديرة سقاها
نبضي الماثل بسلطانك .. وسلطان الهوى .. تاجه حزن .. مدري مزن .. في بلاطه تنكسر كل المراجيح الأكيدة .. تنكسر بعيون شوقي .. لاذكرتك ملح دنيا .. مابها غير السفر .. وعناق همّ الأرض .. لاماتت سنابل فرحتي ..تنطر سماك ..



السيل // عبدالله

وهاانت ترتكب الشعر ..

وخلف كل ذلك الهدوء الساكن فيك ..

تأتي الأعاصير الشعريه ..

لتعمينا عن كل شي .. الا .. ابداعك ..

الغيم دمعة سما .. والعين باب الروح
_____________ والليل خدّ الغياب ... ودمعة الساري
دخلت فيني.. لقيتك ... تستبيح البوح
_____________ خرجت مني .. لقيتك .. تنفض غباري
اقراك دمعة وطن .. في شارعٍ مذبوح
_____________ واكتبك قصة مطر ... مافارق اقداري
قلي متى تحتويني ... أو متى بتروح
_____________ قلي متى أشطبك .. من دفتر اشعارياتعلم ..انني مازلت غير متأكده ..انني وصلت الى هنا..


إلى مابعد الجنون ..انا هنا..


شكرآ لهذه المساحة من الجمال

غـــــيم

[محمد بن جمشان]

عبد الله بن زنان يا صباح الخير


صح الله لسانك مليون ولا يكفون

كم انت رائع ومبدع ومميز مزيج من النزف الراقي


لله درك

[احساس]

عندما تحس ... ان ماتقرأه ... يفتح لك باب لتعيش عالم من خيال

وعندما تجد نفسك مشدودة .... والنظرات مستمتعه ...

وعندما تحس مشاعرك متاثره ... وتحس السطور داعبت عوطفك

عندها تعرف انك امام ماخطة قلم السيـل عبدالله بن زنان

لله دره من مبدع

:

من الأعماق ابدي لك اعجابي

احساس

[فانون]

يا الله ما اروعـك ..


جيتك وانا بيدي قلم روح وسنين
______________ ولقيت مينا الجرح ماله سفينه
رجعت أداري دمعة العين بالعين
______________ غـريب ... تتعكز يدينه حنينه ..!!


قصيدة تحتاج للحفظ ولتكرار الاستمتاع
لانه في كل قراءة اجد فيها مالم اجده من قبل

لك التقدير

[غــــــــيم]

للرفع.................. :41:

أين صاحب هذا الأبداع ............. :)